香港年金 「計好晒先生 你問．我答信箱」: 投保手續疑問篇

計好晒先生練跑撞到同樣退咗休嘅跑友王生，王生知計好晒先生唔只「長氣」，而且每次練習都做足準備，就連退休理財都一早做好部署，夠60歲就即刻投保香港年金計劃，確保自己嘅體力同經濟能力都長跑長有，因為報比賽，買跑鞋、能量飲品食品都要錢。

小數怕長計，王生都心動想「買年金」，但又怕手續麻煩，所以就向計好晒先生偷師。
王生：其實我可以去邊度投保香港年金計劃？係咪要去銀行？

計好晒先生：你可以直接聯絡香港年金公司預約投保香港年金計劃！

你只要先致電香港年金公司客戶服務熱線 2512 5000 或登入香港年金網站預約會面，預約確認後就可以到香港年金客戶服務中心與香港年金公司嘅持牌銷售人員會面及辦理投保手續。

計好晒先生提提你：香港年金計劃於2018年推出時，客戶的確要經銀行登記投保，但依家投保只需要直接聯絡香港年金公司，所以想「加碼」嘅舊客戶便要留意了。


王生：香港年金客戶服務中心喺邊？辦公時間係咩？

計好晒先生：香港年金設有三個客戶服務中心：

• 銅鑼灣勿地臣街1號時代廣場一座32樓3202-05室
• 觀塘偉業街180號 Two Harbour Square 19樓
• 荔枝角長沙灣道909號22樓

辦公時間：星期一至星期五，上午9時至下午6時 (公衆假期除外)


王生：我成日喺觀塘海濱練跑，咁我跑完步咪可以順便直接 "walk-in" 投保？

計好晒先生：比賽都要預早登記報名啦，更何況買保險，我建議你先預約，等會面日期同時間確認後先上去，咁就唔怕白行。


王生：投保香港年金計劃嘅手續會唔會好麻煩？

計好晒先生：投保手續其實好簡單，會面當日，香港年金嘅持牌銷售人員會為你：

• 進行財務需要分析
• 解釋香港年金計劃嘅產品內容、特點及潛在風險
• 解釋投保嘅年金保額，及可以獲取嘅保證每月年金收入

如果你對以上內容已充份了解並確定投保，就可填寫申請表格投保㗎喇。


王生：咁投保使唔使驗身㗎？

計好晒先生：投保香港年金計劃唔使驗身呢。


王生：會面同辦理投保手續嗰時我要準備咩文件？

計好晒先生：記得帶「投保三寶」

• 香港永久性居民身份證正本
• 用於收取每月年金收入嘅個人銀行戶口證明 （例如附有賬戶持有人英文姓名及賬戶號碼嘅銀行存摺，或最近3個月內發出嘅月結單等資料）
• 指定受益人嘅全名及香港身分證號碼 （如適用）

計好晒先生提提你：如果想用支票繳付保費，可以帶埋支票簿；想透過銀行轉賬或銀行本票繳付保費嘅話，專責同事屆時將為你提供詳情。

免責聲明：香港年金計劃乃人壽保險產品，受條款及細則約束，並涉及風險。以上資料僅供參考，及僅預期在香港使用，並不構成要約或銷售或在香港境外提供任何香港年金有限公司產品。